Направи го твоето "домашно производство" и хоби профитабилно

Главната цел на проектот е зголемување на конкурентноста на регионалните бизниси. Ќе бидат формирани две групи од невработени жени, кои произведуваат домашни производи и ракотворби, во Штип и Гоце Делчев. Тие ќе бидат обучени во областа на основните на економијата и основни ИТ вештини, со цел да бидат во можност да ги продаваат своите производи и да го направат профитабилно своето  хоби и домашното производство. Предвидено е организирање на работилница со локалните бизнисмени, базари во Штип и Гоце Делчев, и учество на заеднички штанд на саемот во Скопје, со што ќе им се овозможи соработка, остварување контакти и основање и развој на нивнитедомашни активности во микро или мала фирма.
Спроведувањето на предложените проектни активности ќе резултира со зголемување на конкурентноста на најмалите "домашните бизниси" и ќе ги претвори во профитабилен извор на приход за невработенте жени. Ова ќе овозможи нивно вклучување во социјалниот живот и во општеството, а со тоа и зголемување на довербата и вреднувањето на нивниот труд. Проектот ја поддржува целта на еднакво учество на жените на пазарот на трудот. Успешната имплементација на планираните активности, преку обуките за основен бизнис и ИТ, ќе биде основа и можност за понатамошно развивање на овие домашни бизниси во микро и мали фирми, преку активно вклучување на пазарот. Со ова, во секој случај,  ќе се зголеми бројот на жени кои ќе почнат да остваруваат приходи од нивните домашни активности.

Веб-страница на проектот:

www.composting-home.eu