Идентификација и мониторинг на контаминирани почви со користење на иновативна методологија (MCSoil)

Проектот се справи со предизвиците на ерозијата на почвата и загадувањето на почвата со метали преку спроведување на пилот алатка заснована на иновативни геофизички методи за економично, чувствително и брзо оценување на квалитетот на почвата. Главната предност на оваа нова методологија е нејзината висока чувствителност и можност за интелигентна адаптација на методот според локацијата и проблемот. Исто така, овој метод е многу побрз и поевтин од традиционално користената хемиска анализа. Со реализација на проектот се постигнаа следните резултати :  Спроведена детална проценка на специфичните потреби на регионот за мапирање на постојната и потенцијалната контаминација на почвата;   Подобрена ефикасност во управувањето со ресурсите во однос на почвата и зголемени можности за флексибилен мониторинг на животната средина во програмсата област, базиран на предложениот иновативен пристап за еколошко испитување и следење на почвите;   Зајакната институционална соработка меѓу невладините организации, академските организации и јавните власти (локални, регионални и национални) во прекуграничниот регион  како заедничка платформа за ширење на знаења и зајакнување на капацитетите и вештините на институциите кои се занимаваат со скрининг на животната средина и мониторинг;  Зголемена свест за состојбата со ресурсите на почвата во земјите-партнери постигнати преку проценка на специфичните потреби на регионот во однос на загадувањето на почвата и детално проучување на две "чувствителни" области од заедничкиот прекуграничен регион - два загадени индустриски региони (термоцентрала "Бобов дол" и регионот на Пробиштип-Злетово) и две природни заштитени зони "Чослево блато" и "Плоче" (локалитет Плоче-Литотелме).

Проектот беше успешно завршен на 12.10.2022 год.

Веб-страница на проектот:

http://mcsoil.eu/

Facebook страница:

https://www.facebook.com/Project-MCSoil