Зелени згради за заедничка зелена иднина - GREEN

Проектот ќе создаде подобри услови за поодржлива енергетската иднина во прекуграничниот регион преку изградба на енергетски ефикасни јавни објекти, подобрување на свеста на населението и засегнатите страни за придобивките од мерките за енергетска ефикасност и зголемување на капацитетот на јавната администрација за мерките за енергетска ефикасност и климатските промени, унапредување на енергетската ефикасност како средство за постигнување на одржлив развој и подобрување на квалитетот на живот во прекуграничниот регион. Проектните  активности вклучуваат: градење на капацитети за климатски промени, подигање на јавната свест, јакнење на капацитетите - зелена инфраструктура, реконструкција на општинската зграда - Кочани, реконструкција на зградата на регионалната управа во Благоевград, тематски работилници и турнеја кампања, развојот на регионалната енергетска стратегија - Благоевград. Проектот ќе има долгорочно позитивно влијание врз животната средина во прекуграничниот регион и ќе го подобри квалитетот на животот преку подобрување на квалитетот на воздухот. Со имплементација на планираните работи за јавните објекти, трошоците за електрична енергија и греење треба да се намалат за околу 3% на годишно ниво. Постигнувањата на проектот ќе се користат како основа за препораката за дефинирање на конкретни политики во областа на животната средина, стратегии и активности, кои понатаму ќе се развиваат од страна на тимовите на двајцата партнери, од страна на локалните власти, од универзитетите и невладините организации кои работат во областа на заштитата на животната средина.