На 14.03.2018 година, во Делчево се одржа Форумот за пронаоѓање на партнери во рамки на вториот повик за предлог проекти од Interreg-ИПА Програмата за прекугранична соработка Бугарија-Македонија. Настанот беше организиран од Заедничкиот секретаријат во соработка со Управувачкиот Орган и Националниот орган по Програмата.

Во форумот учествуваа повеќе од 140 претставници на регионални и локални администрации, невладини организации, образовни и културни институции, природни паркови и др. од прекуграничниот регион на Програмата.

Целта на форумот беше да ги запознаат учесниците со принципите на партнерство и барањата за работа во тим при подготовката на проекти по Програмата, како и да придонесе за воспоставување на контакти меѓу потенцијални партнери од Бугарија и Македонија, кои би сакале да аплицираат со заеднички проекти по Втората покана.